GENERAL SANTOS CITY – Nakabalik na sa trabaho ang pipila ka mga pulis sa Sarangani Province human nga natakbuyan sa covid 19.


Kini ang gibutyag ni Col Michael Libanan, provincial director sa Sarangani Police Provincial Office.

Sumala pa sa opisyal, adunay pipila ka mga pulis nga gitapos pa ang quarantine period og kun mahuman ang 14 ka adlaw nga isolation og negatibo na sa covid 19, pwede na gilayong mubalik sa ilang tagsa-tagsa ka trabaho.


Sa pamayahag pa ni Libanan nga walay angayang kabalak-an sa kondisyon sa mga pulis.

Panawagan sa opisyal sa publiko nga magtinabangay aron nga malagpasan ang problema batok sa COVID 19.


Angayang sundon ang mga health protocols susama sa pagsul-ob sa facemask og faceshield, social distancing, kanunay nga paghugas sa mga kamot gamit ang sabon og tubig og magpuyo sa balay kung dili mahinungdanon ang adtuan.