GENERAL SANTOS CITY – Tulo ka mga chief of police ning syudad ang gibalasa base sa kamanduan ni Police Col. Gilberto Tuzon, City Director sa General Santos City Police Office (GSCPO).


Si Police Major Ananias Vasquez nga kanhing hepe sa Police Station 1(Pendatun Police Station ) ang anaa na karon sa Police Station 5 (Tamber Police Station), samtang ang hepe sa moang estasyon nga si Police Major Yol Hilado maoy bag-ong labaw sa Police Station 3 (Lagao Police Station) ug ang kanhing hepe sa nasangpit nga estasyon nga si Police Major Ramil Constantino ang maoy milingkod isip hulip kang Police Major Vasquez sa Pendatun Police Station.

Sumala ni Col. Tuzon nga dili silot ang iyang gihimong pagbalasa sa tulo ka Chief of Police.


Pipila ka rason niini aron nga dili matud pa ma-familiarize ang mga police non commission Officer ngadto sa ilahang mga labaw ug mag-trabaho ug tarong.


Gipaklaro sa opisyal nga walay problema sa performance nilang Vasquez, Constantino og Hilado nga posibleng hinungdan sa pagpagihayon ug re-shuffling.