GENERAL SANTOS CITY -Hugot pa nga giimbestigahan sa kapulisan ang pagpusil patay sa usa ka tomboy nga usa ka triseykel driver.

Ang biktima nailhan sa pangalan nga si Sarah Militante nga residente sa Purok Masunurin San Isidro. General Santos City.

Gibutyag nga gihatud sa biktima ang iyang hinigugma sa Brgy. Conel og sa dihang mipauli adunay mibabag kaniya og dayon kining gipusil patay sa may bahin sa Conel Diversion Road lahos unta sa Mabuhay.

Gibutyag nga usa ka bulan pa lamang miabut sa nasud ang biktima gikan sa Saudi Arabia.

Una ang insidente kauban pa niini ang iyang igsuon sa pagpalit ug tambal ug nanguha usab ug gabon apan wala palandunga nga kadto na ang ulahi nilang panag-uban.

Nakuha sa crime scene ang pitaka nga may kwarta nga iya sa biktima.

Third party ang usa sa anggulo sa motibo sa maong insidente.