John Rafael Revilla a.k.a Shantal, tigpadagan sa investment group nga Munifecence

GENERAL SANTOS CITY – Nagpagawas ug arrest warrant ang korte batok sa mga tigdumala sa Munificence. Gimando sa Regional Trial Court 11th Judicial Region Branch 59 ang pag-aresto sa mga opisyal sa maong investment group tungod sa kasong syndicated estafa.

Mukabat sa unom ka mga personahe ang gipagawasan ug warrant of arrest nga gilangkoban nila ni John Rafael Revilla alias Shantal, Kirby Adrian Adolfo, Maria Corazon Adolfo, Kathryne Ann Adolfo, Johnrell Macapobre Revilla og Godwin Garciano .

Ang mga nasampit pulos residente sa Reyes Compound Greenville , Brgy. Calumpang ning syudad.

Nasayran nga ang maong investment group sama sa ubang investment group ang nagtanyag usab og dagkong tubo sa salapi nga mabutang sa ilang grupo.

Daghan usab sa ilang mga investors ang nangasuko tungod wala mabalik ang ilang salapi human nga nagtagutago si Shantal og mga kauban niini sa pagpadagan sa Munificence kini human nga miaksyon ang gobyerno nga ipahunong ang mga aktibidad sa unsa mang matang sa investment scam.

Pastor Jerson Cagang , tigpadagan sa ALAMCCO
Pastor Joel Apolinario, KAPA founder

Una niini, gipa-aresto usab sa korte ang 18 ka mga personahe sa Alabel-Maasim Credit Cooperative kon ALAMCCO og si Pastor Joel Apolinario og mga kaubanang opisyal sa KAPA.