GENERAL SANTOS CITY – Gikasuhan na ug murder si Rey Claja, kinsa ang suspek sa pagtigbas patay sa 14 anyos nga lalaki sa Malapatan Sarangani Province.

Gipasalamatan sa Malapatan Municipal Police Station ang pagsureder sa suspek human giputlan sa li-og si Arjun Villajuan sa miaging semana.

Kahinumduman nga mitago sa makadali ang suspek apan sa kahadlok nga maabtan sa kabanay sa biktima, nagsurender kini sa usa ka tanud.

Niadto matud pang gabhi-una nag-inusara ang suspek dihang mahinagbo ang biktima ug didto nahitabo ang mangilngig nga krimen.

Gibate ug kalisang ang kapulisan dihang gisaysay ni Claja nga iyang gitukmod ang lawas sa biktima aron matumba samtang kini nagbarog bisan ug naputol na ang ulo ug nahulog na sa yuta human nga iyang gitigbas gamit ang lagaraw.

-- Advertisement --