GENERAL SANTOS CITY– Gilugwayan sa gobyerno sa Spain og dungag 15 ka adlaw ang gipatumang state of alarm nga mahuman sa Abril 25 kini tungod paspas ang pagdaghan sa mga biktima sa covid 19.

Bombo international correspondent Albert Cagaoan nga direkta sa Taragona,Spain

Matud pa ni Bombo international correspondent Albert Cagaoan nga direkta sa Taragona,Spain, nagkasamot ang dili maayong sitwasyon tungod 48,000 katao na ang nataptan samtang halos 4,000 ang namatay sa covid 19.

Lisod ang paggawas og pagpalit sa mga panginahanglanon tungod pinili lang ang may home quarantine pass.

Walay makit-an nga tawo sa kalsada tungod karon ang mga tawo misunod sa mando sa gobyerno nga magpabilin lang gyud sa pinuy-anan. Nagkalisod ang mga OFW sa Spain, full time o part time tungod naka-home quarantine.

Sa pakighinabi ni Cagoan kay Gabbi Beltran, usa ka Spanish, gibutyag niini nga gimando usab sa gobyerno ang istriktong pagpatuman sa pagsul-ob ug face mask og gwantes.

Dugang pa ni Beltran nga gipatas-an usab ang multa sa makalapas sa mga protocol.

Bombo international correspondent Albert Cagaoan nga direkta sa Taragona,Spain

Pipila lang ka establisiemento ang abli aron may kapalitan ang mga tao sa ilang panginahanglanon apan sirado ang mga restaurants og piipila ka bangko ang abli.

Hinuon may palengke sa Taragona nga gitugtan sa gobyerno nga mag-abli.

Apektado usab ang transportation sector tungod sa absolute community qurantine og lockdown nga gipatuman.

Gawas sa face mask, gwantes, alcohol og uban pang adisinfectant, nahurot na usab sa mga botika ang mga tambal.