GENERAL SANTOS CITY – Dili uyon si Hon. Judge Lorenzo Balo sa suhestyon ni Pangulong Duterte nga armasan ang mga civilian volunteer aron makatabang sa kahapsay og kalinaw sa palibot btok sa pipila ka armado.


Matud sa huwes delikado kung hatagan ang sibilyan og armas ilabina kung kulang sa training sa hustong paggamit og pusil.


Gibutyag ni Judge Balo nga mas maayo pa hinuon nga tutukan na lang sa PNP ang paspas nga hiring sa mga pulis aron daghan ang mubantay sa palibot.


Aduna kini kabalaka nga adunay dili maayong insidente nga mahitabo kung armasan ang sibilyan tungod dili limod nga usahay mulahi ang mentalidad sa usa ka indibidwal kung adunay gigunitan nga pusil.


Sa pamahayag pa niini nga adunay pipila ka insidente nga nalambigit ang police persoannel sa pagpatay bisan sila ang adunay saktong training apan unsa na lang kaha ang dangatan sa mga sibilyan nga armasan.