GENERAL SANTOS CITY – Gikaalarma na sa mga katawhan ang sunod-sunod nga pagpamusil nga natigayon sa dakbayan.

Nasayran nga mukabat na sa 15 ang shooting incident sa Gensan gikan Enero hangtud Pebrero kung asa 10 ang patay samtang lima niini ang angol.

Gikabutyag ni City PNP Director Aden Lagradante nga may persons of interest na sila sa pipila ka kaso.

Galaum ang mga katawhan nga maundang na ang serye sa kamatay sa dakbayan kung asa nakamotorisklo ang kasagarang mga suspek.

Sa Region 12, mukabat na sa 64 ka insidente sa pagpamusil nga natigayon kung asa sa naasoyng ihap adunay nay 18 ka kaso ang nahatagan ug solosyon human nakasuhan ang mga suspek.