Senator Manny Pacquiao.

GENERAL SANTOS CITY– Naapud-apod na sa pito ka mayor sa Sarangani Province ang 10,000 kabuok surgical mask nga gikan kang Senator Manny Pacquiao.

Kini dakong tabang sa mga frontline workers nga anaa sa mga tambalanan, kabarangayan og sa mga gabantay sa tanang checkpoint.

May gilauman pa nga mga extra face mask nga muabot nga gipanghinaut nga mapanghatag usab sa tagsa-tagsa ka pinuy-anan.

Gawas sa face mask, gilauman usab nga adunay mga testing kit ang muabot sa probinsya.

Nasayran nga daghang pribadong kompanya ang nagpadangat usab sa ilang ayuda sa mga kalihukan sa Sarangani aron mapugngan ang pagsulod sa coronavirus disease.

May nihatag og mga surgical ug N95 mask, isolation gown, surgical hood og uban mga skin cleanser.

Dakong tabang usab nga disinfectact ang ginalon nga mga Benzalkonium chloride donasyon gikan usab sa lain nga kompanya.

Kahibaluan nga nakahatag usab ang fighting senator og 10,000 kabuok nga face mask sa GenSan.