GENERAL SANTOS CITY – Gihingusgan ni Senator Manny Pacquiao nga siya ang lehitimong presidente sa ilang partido nga PDP-LABAN.

Senator Manny Pacquiao in his virtual press conference

Sa iyang press conference, gibutyag ni Pacquiao nga dili siya “acting president” kun dili lehitimo ang pagkatuboy kaniya base usab sa ilang ginasunod nga patakaran.

Kahinumduman nga bag-uhay lamang gisultihan ni PDP-LABAN Vice-Chairman og Energy Secretary Alfonso Cusi si Pacquiao nga angayan una siya nga muhawa sa partido una niya batikuson si Pangulong Rodrigo Duterte nga ilang chairman.

Samtang, magpahigayon og panagpulong ang PDP-LABAN council sa Hulyo 16 aron hisgutan ang mamahimong national assembly sa Hulyo 17 kung asa posibleng adunay matigayong eleksiyon alang sa mga bag-ong opisyal sa partido.