GENERAL SANTOS CITY-Giusa-usa sa National Inter Agency Task Force (NIATF) ang mga rekomendasyon nila human ang gipahigayong evaluation sa gipatuman nga mga safety protocols sa GenSan Fishport Complex.

Sec. Carlito Galvez, National Task Force Implementer

Matud pa ni Sec. Carlito Galvez, National Task Force Implementer ngayang muhimo og kaugalingong contact tracing applications og contact tracing teams ang Fishport aron mamonitor ang mga gagawas-sulod sa lugar kung sa halos 5,000 katao kada adlaw samtang kung basihan nahatagan og barcoded ID anaa sa 12,000 kabuok.

Sa gate pa lang maghuot na ang mga tawo og dili malikayan ang panagtapok.

Gibutyag sa kalihim, ang pinakahuyang atol sa pagmag-kauban sa pagkaon nga mag-atubangay ang mga tawo, magdikit og mag-istoryahanay.

Hinungdan nga girekomenda nini nga sa kantina may kanya kanya nga cubicle area, barrier, og magtalikdanay ang mga mangaon. Kung mahimo, naka-pack lunch ang pagkaon.

-- Advertisement --

Dugang pa ni Galvez, magbutang og mga booth sa smoking area sa Fishport aron malikayan ang panagtapok nga posibleng mahitabo ang transmission sa covid19.

Samtang mas maayong adunay kanya-kanya nga entrance og exit sa mga gates aron malimitahan ang closed contact sa mga tawo. Sa mga merkado sa Fishport, kinahanglan nga hugot nga sundon ang social distancing tungod ilang naobserbahan nga atol sa baligyaanay og isda, maghunghunganay ang mga tawo.

Dugang pa ni Galvez, mas maayo usab nga adunay scheduling by barangay or area ang pagsulod sa Fishport sa mga tawo, magmugna og operational audit o marcial gawas pa sa Oplan Yawyaw nga mulibot sa mga areas sa Fishport og magpahimangno sa mga tawo sa sulod sa mga protocols.

Girekomenda usab sa kalihim sa RIATF nga muhimo og written protocols sa mga standards sa Fishport nga angayang sundon sa tanan ug magpahigayon usab og 3 days simulation.