GENERAL SANTOS CITY – Nagpahigayon og candlelighting ang nagkadaiyang grupo lakip niini ang mga taga simbahan, mga kababainhan, og uban pa aron kontrahon ang casino nga ania gipatukod sa dakbayan.

Atubang sa maong casino sa Brgy. Lagao ning syudad dihang nagsindi og mga kandila simbolo sa hugot nga pagkontra sa maong matang nga sugal.

February ang soft opening sa operasyon sa casino og dungan niini nagpahigayon og prayer rally atubang sa mismong casino.

Prayer rally sa nagkadaiyang grupo batok sa pagtukod og casino sa GenSan

Gipasibaw sa mga taga simbahan ang ilang moral obligation nga mao ang pagpadayag sa kadaut nga hatod sa sugal ngadto sa mga katawhan ug sa komunidad. Bitbit sa mga raliyesta ang mga placards nga may nakasulat nga “No to casino, no gambling in GenSan”, “Protect your family from gambling” og daghan pa.

Tingog ni Fr. Angel Buenavidez, tigpamaba sa Diocese of Marbel
Prayer rally sa nagkadaiyang grupo batok sa pagtukod og casino sa GenSan

Sa pakighinabi sa Bombo Radyo GenSan, gibutyag ni Fr. Angel Buenavidez, tigpamaba sa Diocese of Marbel nga may epekto sa sosyodad ang maong sugal hilabi sa kinabuhi sa matag usa. Gipaklaro niini nga dili kinahanglan ang casino aron mulambo ang GenSan.

Una nang gitino ni Kagawad Jose Edmar Yumang, chair sa Committee on Laws and Ordinances nga naaprobahan na ang concurrence sa operasyon sa casino ug gihatagan sila og hangtud tulo ka tuig ug kung masuta nga may mga kapalpakan, andam usab sa pagbawi ang Sanggunian sa ilang gihatag nga pagtugot.