GENERAL SANTOS CITY – Gimando na ni Mayor Ronnel Rivera nga walay matigayon na nga sabong sa syudad.


Matud pa kang Rivera nga gimando na niini sa City Legal Office og sa Business Permit and Licensing Office (BPLD) nga kanselahon ang tanang permit sa sabungan.


Kahibaluan nga ang pamahayag ni Mayor Rivera natigyon human nga gapanawagan ang Barangay Calumpang sa mga miadto sa sabungan sa ilang lugar sa miagig Enero 2, 2021 nga kung may gibati nga sintomas sa COVID 19 ang makig-alayon sa Rural Health Unit (RHU).


Matud pa sa mayor nga gipagawas niini ang kamanduan human nakadawat og report nga ang mga sabungan ang wala gasunod sa pyhsical distancing.


Hinoon hatagan og tsansa ang mga operators sa sabungan nga magsumiti sa ilang protocol proposals nga paaprobahan sa IATF kung tugtan o dili sa ilang operasyon.


Kahibaluan nga sa announcement sa Barangay Calumpang nakalatid nga may kalabutan kini sa duha ka tawo nga nagpositibo sa COVID 19 nga miadto sa maong sabungan.