GENERAL SANTOS CITY – Gikonsidera gihapon ni P/Sr /Insp. Robert Fores sa Makar Police Station nga malampuson ang natigayong peace covenant nga gipasiugda sa kapulisan kagahapon alang sa mga claimants sa Hacienda Espina sa Brgy Labangal aron mupirma ug oath of commitment bisag dili tanan ang nagpartisipar.

Nasayran nga tulo lamang, gikan sa Mudian , Padian og JY Enterprise ang mitambong sa maong tigum og wala mitungha ang gikan sa partido ni Boy Olarte og Espina.

Matud ni Forez, ang mga nakapirma og peace covenant mipromisa nga musunod sila sa mga probisyon nga gilatag sa kapulisan sama asa pagrespito sa status quo order og desisyon sa korte, ‘no provocation policy’ kon dili maghagit-hagit sa ubang claimants sa luna, no expansion of claims og angayang ipabilin ang defensive mode sa mga giangkon nga luna.

Tumong niini aron malikayan ang unsa mang kasamok sa lugar og masubli ang pagbinayluanay ug buto og pusil tali sa mga claimants.

Subay sa pahayag kaniya sa mga mitambong nga nagpakita lamang nga dili gusto og kalinaw sa giilogang luna ang kampo ni Olarte human nga wala nitungha sa tigum

-- Advertisement --