GENERAL SANTOS CITY – Hugot ang pagtutok sa Team Pacquiao kang Sen. Manny Pacquiao alang sa pag-angkon og maayong panglawas 17 ka adlaw una ang panagsangka niini kang Errol Spence sa Agosto 22 sa Amerika.


Matud kang Joey Concepcion sa Team Pacquiao, ginabanatayan kanunay ang fighting senator aron masiguro nga dili makaangkon ug sakit ilabi ang COVID 19.


Isip pagsiguro nga dili matakbuyan sa covid -19 si Manny, tanang musulod sa mansyon sa nasampit ang mupailawom sa antigen testing og angayang negatibo ang resulta.


Walay exemption bisan kinsa nga mubisita sa senator ang mupailawom gyud sa pagsusi.

Sama usab nga patakaran ang ginahimo sa Wild card gym kung asa ginapahigayon kini matag adlaw kung diin gipasabot sa tanan nga gihimo kini aron masigurong luwas ang pinoy ring icon.

-- Advertisement --


Hinuon gilimitahan ang pagpasulod sa mga tawo gym aron maka=focus ang senador sa iyang pagbansay.


Giawhag ni Concepcion ang suporta og pag-ampo sa tanan alang sa luwas nga engkwentro sa eight division world champion og para usab sa kadaugan niini.


Nasayran nga karong Agusto 16 mugikan sa California ang Team Pacquiao padulong sa Las Vegas aron pangandaman ang away niini sa American boxer August 22,2021.