-- ADVERTISEMENT --

Hustisya ang singgit sa pamilya sa mag-live in partner nga gipanggulgulan sa liog ug may samad dinunggaban sa Brgy. San Jose ning dakbayan.

Ang mga biktima nailhan sa pangalan nga silang Kion Dario, 33 anyos og Jennifer Diamel, 30 anyos nga pulos residente sa Purok Maligaya Barangay San Jose.

Gibutyag ni Lucy Diamel igsoon sa babaye nga may duha ka lalake nga miabot ug gipangita si Dario og may dala nga warrant of arrest apan wala miuban ang biktima.

Gikadugang pa niini nga mihawa ang duruha sakay sa motorsiklo og makalabay ang pipila ka oras giatangan ang mga nasampit. Adunay nakasaksi nga ang duha ang pugsanon nga gipasakay og sakyanan og wala nakauli sa ilang balay.

Nakit-an ang duruha nga walay kinabuhi sa bakanteng lote sa Brgy. San Jose.

-- ADVERTISEMENT --

Migawas sa imbestigasyon nga si Dario ang bag-o lang nakagawas sa Gensan City Jail human nga na-dismiss ang kasong murder samtang si Diamel ang bulag sa bana niini og adunay usa ka anak og tulo ka bulan nga mabdos.