GENERAL SANTOS CITY – Usa ka urgent resolution ang giduso sa Sangguniang Panglungsod alang sa kaso sa OFW nga taga-Gensan nga si Jennifer Dalquez nga gisentensyahan ug silot-kamatayon didto sa United Arab Emirates kon UAE, gumikan sa pagpatay sa iyang amo.

Atul sa regular session, mitambong ang mga kabanay ni Dalquez nga gilangkuban sa iyang mga ginikanan ug bana, lakip ang mga representante sa OWWA ug uban pang bisita nga giimbitahan ni Kag. Lourdes Casabuena.

Buot sa SP nga iapela kang Pangulong Rodrigo Duterte nga mao mismo ang muapela sa sa gobyerno sa UAE aron maluwas sa silot-kamatayon si nasampit nga OFW.

Atul sa sesyon, gipadungog usab ang interview ni Kag. Casabuena kang Jennifer.

Matud ni Rajima Dalquez inahan ni Jennifer, gikan sa wala nahinayon nga Pebrero 11, gisibog ang pagpakaanog sa desisyon sa silot-kamatayon alang kang Jennifer sa Pebrero 27.

-- Advertisement --

Hinungdan nga gahilak nga miapela si Ragima ngadto sa pangulo alang ang ilang hangyo alang sa iyang anak.

Kini hilabi na matud pa nga kanunay nang gapangita ang mga anak ni Jennifer kaniya ug gahandom nga makauli na kini aron ilang makauban.