GENERAL SANTOS CITY – Magsugod ning adlawa ang mas istriktong pagpatuman sa pagsul-ob og personal protective equipment pagsulod sa GenSan Fishport Complex human nga natapos na ang deadline kagahapon.

Paris Ayon, OIC-Admin Chief sa Philippine Fisheries Development Authority

Matud pa ni Paris Ayon, OIC-Admin Chief sa Philippine Fisheries Development Authority(PFDA), tanan sa mga musulod ang kinahanglang magsul-ob og PPE kung asa walay exemption aron maprotektahan ang kaugalingon kontra sa covid19.

Gibutyag niini, kaniadto pang bulan sa Pebrero dihang gipahibalo sa tanan ang paggamit og PPE apan daghan ang gahi og ulo.

GenSan Fishport Complex

Sa karon maglisod pa sa pag-adapt sa gitawag nga “new normal’ apan kadugayan maanad ra ang mga tawo sa pagsul-ob og PPE hilabi sa Market 1 to 4.

Kahibaluan nga gawas sa PPE, istrikto gihapon nga ipatuman sa Fishport ang QR code og medical certificate sa matag usa kung asa dili pasudlon ang dili musunod sa mga patakaran nga giupatuman.