GENERAL SANTOS CITY – Gikasubo sa mga anaa sa fishing sector sa dakbayan ang pagpasirado sa GenSan Fishport tungod sa COVID 19.


Gibutyag sa Bombo Radyo GenSan ni Rosanna Contreras, Executive Director sa SOCSKSARGEN Federation of Fishing & Allied Industries, Inc. ( SFFAI) nga subo ngadto kanila gumikan ang closure ang naatol unta sa schedule sa opening sa 22nd National Tuna Congress alayon sa Tuna Festival sa GenSan.


Gikadugang pa ni Contreras nga dakong epekto ang upat ka adlaw nga pagsirado sa market 1, 2 og 3 sa fishport complex.

Matud pa nga kapin sa 4,000 ka mga indibidwal matag adlaw ang nawad-an ug trabaho.


Nasayran nga kada adlaw anaa sa 500 hangtud 800 metric tons nga isda ang madunggo sa fishport.


Sa iyang pamahayag nga gumikan sa lockdown gilauman nga mutaas ang presyo sa isda.


Kahibaluan nga daghan na ang natala nga nagpositibo sa COVID 19 sa GenSan og kasikbit nga mga lugar nga gaadtuan sa fishport nga ang uban mga trabahante og adunay gapamalit og isda.


Ang lockdown ang nasugod sa miaging September 2 og mahuman sa September 5, 2020.