GENERAL SANTOS CITY– Usa ka resolusyon ang iduso sa konseho ning dakbayan kalabotan sa teamporaryon ban nga makasulod ang mga Chinese nationals gikan mainland China sa GenSan.

Gikatakda kining isumite ni Kagawad Franklin Gacal kung asa gilatag ang mga bahad sa novela coronavirus sa panglawas sa tawo. Gikabutyag nga libuan na ang nataptan sa samtang daghan usab ang natalang namatay sa maong sakit .

Gipatuman sa Chinese authorities ang total lockdown sa Wuhan City, China, ang episentro sa outbreak sa NcoV nga nagpamatuod lang kung unsa ka-delikado ang maong irus.

Apan una ang deklarasyon sa lockdown , daghang mga residente sa Wuhan ang mipahawa sa maong syudad kung asa nikatag ang virus og nagtakod sa daghang Chinese nationals sa uban pang bahin sa mainland China.

Ang konseho ubos sa Local government code ang gihatagan ug gahum aron himuon ang mga gikinahanglan og hustong lakang alang sa panglawas og kaluwasan sa mga katawhan sa syudad.

Gikinahanglan nga malikay ang syudad gikan sa makamatay nga virus aron masiguro ang proteksyon sa mga tao sa Gensan pinaagi sa pagbawal sa pagsulod sa syudad sa mga Chinese nationals gikan sa mainland China.

Ang maong resolusyon ipadangat ngadto sa tanang travel agencies, hotels og samang establisiemento, og CAAP-GenSan, City Health Office og uban pang government agencies.