ENERAL SANTOS CITY – Malampuson ang gilusad nga Oral Health Program sa lokal nga gobyerno sa dakbayan sa kooperasyon sa City Health Office.

Gitambungan sa mga estudyante sa kinder lakip na ang ilang magtutudlo og mga ginikanan.

Matud pa ni Dr. Simonette Manlangit, dentist sa City Health office nga angayang lakip si titser, ang mga ginikanan og mga bata ang tudluan kung sa unsa ang tama nga pagtoothbrush.

Gibutyag pa niini nga dili makakaon og makapahiyum pagmaayo ang usa ka tawo kung bulok ang ngipon.

Gihingusgan pa sa maong dentist nga ang kahimsog sa ngipon ang pareho ka-importante sa panglawas gumikan apektado usab ang personalidad sa usa ka tawo.

-- Advertisement --

Kung daut ang ngipon dili maayo ang pagkaon hinungdan nga dili usab makuha ang igong nutrition.

Gikadugang pa niini nga sa tibook kaliibutan ang Pilipinas ang usa sa ikatulo sa pwesto nga may labing daghang daut nga ngipon.

Gibutyag nga ang sakit sa ngipon ang usa sa mga rason nganong absent sa klase ang usa ka estudyante.