GENERAL SANTOS CITY – Gipasakaan na og kaso ang mga drug pusher og ilang source sa iligal nga droga human nga nadakpan sa gipahigayong operasyon sa kapulisan sa lain laing lugar sa Polomolok South Cotabato.

Unang nadakpan sa Brgy. Pagasa ang nagpangalan og Toto Namla, 29, kusinero human nga napalitan og usa ka sachet sa droga gamit ang P500 drug bust money human gipahigayon ang transakyon sa boarding house niini sa Purok Espejo sa maong lugar.

Sa gipahigayong follow up operation sa kapulisan, dakpan ang nagpangalan og Dan Dave Bayona, usa ka van driver nga taga Cerquina St Brgy Poblacion Polomolok.

Napalitan ang nasampit og 1 sachet sa shabu.

Nadakpan ang nasampit human nga gitudlo sa unang nadakpan nga si Namla.

Gitudlo usab sa ikaduhang nadakpan ang iyang source nga nagpangalan og Virgil Balasido, Alias Dondon, usa ka Construction worker hinungdan nga nagpahigayon og operasyon ang kapulisan og nadakpan ang nasampit sa National Highway atubang sa Matutum Cemetery sa Brgy. Poblacion Polomolok.

Ang tulo nagpaabot na lamang sa commitment order aron mabiyahe na sa South Cotabato Provincial Jail.