GENERAL SANTOS CITY – Gihingusgan ni Dr. Ricardo Rodaje, medico legal sa National Bureau of Investigation kon NBI nga walay perfect crime nga nahitabo.

Dr. Ricardo Rodaje, medico legal sa National Bureau of Investigation

Kini ang pamahayag ni Dr. Rodaje sa Bombo Radyo GenSan kalabutan sa gipahigayon niini nga pag-autopsy sa bangkay ni Christine Dacera ang flight attendant nga taga GenSan nga nakit-an nga patay sa usa ka hotel sa Makati City.

Sa iyang pamahayag nga ang tanang pamaagi nga gihimo aron makakuha og mga specimen.

Dili lamang ang mga internal organs ang ang gisuta apan lakip na ang kuko basin may mga specimen og ipaagi sa DNA testing kung may mga panit nga nakuha.

Tanan nga specimen ang sutaon alang sa ipahigayon nga hispatological exam, toxicology exam og uban.

Tumong niini aron madetermina ang hinungdan sa kamatayon sa flight attendant kung may toxic substance nga nainum anang gabii una siya namatay.

Sa hisgutang gilugos ang biktima daghang examination ang himoon aron masayran kung tinood o dili ang alegasyon.

Naglaum pa si Dr Rodaje nga makakuha ug mga timailhan sa kamatayon sa 23 anyos.