GENERAL SANTOS CITY – Nagpahinumdum ang Barangay Bula sa katawhan kalabutan sa kapistahan sa Sr. Santo Niño sa Enero 15 adlawng Biernes.Matud pa nga kung walay yellow nga enhanced quarantine pass pwede ang CCTS o tapad card nga angayang adunay ipresenta nga unsang valid ID nga residente sa Bula.

Nasayran nga adunay nadawat nga report ang mga otoridad nga may gapa-recopy o photocopy sa enhanced quarantine pass . Hangyo pa sa LGU nga mahimong matinud-anon nga deboto o dili mamakak aron makalusot sa mga gabantay sa matag dalan.

Una niini gibutyag ni Fr. RickyLegario, parish priest sa Santo Niño Bula Parish nga 11 ka misa ang matigayon sa adlaw nga kapistahan nga pwede nga magsimba ang gikan sa laing mga barangay apan dili pwede nga muadto sa laing area sa Bula gawas lang sa simbahan.

Pahimangno nga sundon ang mga health protocols susama sa pagsul-ob sa facemask og faceshield, og hugot nga ipatuman ang physical distancing aron makalikay sa COVID 19.