GENERAL SANTOS CITY – Excited na ang mga boxing fans sa Gensan ug Sarangani alang sa ekwentro ni Pinoy legend Manny Pacquiao kontra kang Cuban boxer Yordenis Ugas karong adlawa.

Sa pakighinabi sa Bombo Radyo Gensan sa mga residente sa syudad gibutyag sa mga nahisgutan nga ilang tutukan ang pakigsangka sa fighting senator nga ipahigayon sa T-mobile Arena Las Vegas Nevada USA.

Sumala sa usa Amerikan national nag nakahinabi sa bombo, siya nagtuo nga mudaug gayud si Pacquiao dili lang tungod sa boxing record niini apan determindo ang nasampit nga makadaug kontra kang Ugas.

Sumala sa usa ka residente nga kung tan awon dili basta-basta ang boxing record ni Pacquiao kung asa may 62 ka daog ug 39 knock outs sa tibuok niining boxing career kung asa wala makatunga si Ugas nga may record nga 26 ka daog ug 12 ka Knock outs.

Apan sumala sa uban nga luyo niini dili gihapon angayang mukumpyansa si Manny tungod pareho sila ni Ugas nga nagbansay.

Una ng giingon ni Gensan Mayor Ronel Rivera nga walay ibutang nga mga dagkong screen aron unta makatan aw ang mga tawo sama sa naandan nga himuon sa syudad sa matag away sa Senador.

Gibutyag sa mayor nga kini tungod ginabawal ang panagtapok tungod sa pandemya gawas pa nga gipatuman ning adlawa ang sunday no movement hinungdan nga dili pwede mugawas ang mga tawo samtang sarado usab ang mga establisyemento, restaurants, mall ug uban pa.

Sa interview sa Bombo Radyo Gensan kang Manny Pacquiao nanawagan sa publiko ug suporta ug pag ampo ang senator alang sa iyang away ning adlawa.