GENERAL SANTOS CITY – Nakahan-ay na ang mga aktibidad sa matigayon nga Soccsksargen Regional Athletics Association (SRAA) Meet nga gikatakda sa Pebrero 19 to 24, 2020 dinhi sa dakbayan.

Sa exclusive interview sa Bombo Radyo GenSan kay Jojo Duhilag, Physical Education Sports Supervisor (PESS) sa Department of Education (DepED) 12 nga walay problema sa mga venues ning higayona nga nakaplastar na ang tanan kung asa may koordinasyon na kung asa lakip sa malls may matigayon nga event.

Sa Pebrero 19, 2020 ang opening ceremony nga matigayon nga sa Lagao gym.

Gilauman nga anaa sa 5,000 ka mga atleta, coaches og delegasyon ang apil sa maong tinuig nga sports competetions.

Gikadugang pa niini nga ang aero gymnastics ang apil na sa medal tally o regular sports nga kanhi kabahin sa demonstration.

Ang GenSan, Koronadal, South Cotabato og ang Kidapawan ang lig-on sa maong sports competetion.

Nasayran nga ang mga mudaog nga mga atleta sa SRAA ang mahimong representant sa region12 sa 2020 Palarong pambansa.