GENERAL SANTOS CITY – Target sa lokal nga gobyerno sa Sarangani nga sa dili magdugay ablihan na ang Mega Ligtas Covid Center sa Kawas, Alabel, Sarangani Province.


Matud pa kang Dr. Arvin Alejandro, provincial health officer sa maong probinsya nga anaa sa 80 ang bed capacity niini.

Gibutyag pa sa nasampit nga opisyal nga kung hingpit na nga operational ang Mega Ligtas Covid Center ang tanang mga gi-admit nga mga nagpositibo sa COVID 19 sa Sarangani Hospital ang ibalhin didto.


Sumala pa ni Dr. Alejandro nga ang COVID staff sa Sarangani Hospital ang ibalhin sa Mega Ligtas Covid Center oras nga hingpit nga mahimong operational .


Nakadesisyon ang probinsya nga maghimo og Mega Ligtas Covid Center aron didto na atimanon ang ilang mga COVID patients gumikan puno na ang mga pasyente ang mga ospital sa dakbayan.

-- Advertisement --