GENERAL SANTOS CITY – Galaum si Alabel Mayor Vic Paul Salarda nga dili tinuod nga adunay pulis sa Alabel Municipal Police Station basi sa nadawat nga report nga gaprotekta sa illegal gambling, pagpangawat, og usahay gisagulan og binuang mga police operation kon asa may arrangement matud pa tali sa madakpan aron dili na iduso ang kaso.

Matud pa, padayon ang ilang intelligence monitoring kabahin sa maong pulis kon asa wala pa gayud nila matumbok kung kinsa.

Kini human nga nangayo na og tabang kay PSR Supt Joseph Semillano, prv’l director sa Sarangani aron maundang na ang sayop nga gimbuhaton sa maong pulis.

Una nang gibutyag ni Mayor Salarda nga adunay salig kay PSr Insp. Benjie Ancheta, hepe sa maong presinto human nga gipahibalo niya kalabot sa usa sa sakop niini nga wala gatinarong sa ilang trabaho kon asa gisagolan ug dili maayo.