GENERAL SA NTOS CITY – Anaa na sa kustudiya sa kapulisan ang usa ka public school teacher human nga masikop.


Kini gumikan sa pagpanghadlok niini sa menor de edad nga iyang i-post sa social media ang mga nude photos sa biktima kung dili makigkita kaniya.


Matud pa kang Cpl. Aljohn Cunanan sa Regional Anti-Cybercrime Unit (RACU )12 nga personal nga nangayo og tabang si alias Ana, 17 anyos gumikan nahadlok sa gihimo kaniya ni Sherwin Paraiso 25 anyos, nga taga Labangal ning syudad.


Ang suspek ang gagamit og Facebook account nga “Chis Vones” kung asa gisultian ang biktima nga magkita sila atubangan sa usa ka simbahan.


Gilayon nga nakiglambigit ang biktima sa Anti-Cybercrime Unit 12 og gikasa ang entrapment operation.


Nahimong positibo ang tanan og sa dihang magkita ang duruha gibira sa lalake ang menor de edad.


Sa maong senaryo, mi-aksyon ang kapulisan og giaresto si Paraiso.


Nasayran nga ang suspek og biktima ang magka-chat og na-send sa menor de edad ang iyang mga nude photos gamit ang dummy account sa maong magtutudlo.


Hangtud nga gi-block sa babaye og naggamit pag-usab sa fake account ang lalake og gihadlok na ang biktima.