GENERAL SANTOS CITY – Gideklara na ni Gensan Mayor Ronnel Rivera nga adunay lokal transmission sa coronavirus sa dakbayan kini human ang paspas nga pagdaghan sa naasoy nga kaso.

Naatul ang deklarasyon sa nagkaduol nga pagpatuman sa semi lockdown sa Gensan fishport nga magsugod karong adlaw nga myerkules Septembre 2 hangtud 6.

Una nga gilauman ni Mayor Rivera nga sulod sa upat ka adlaw mahibaw-an na ang mga bag-ong palisiya nga ipatuman sa Philippine Fisheries Development Authority aron sa paglikay sa person to person ug mass gatherings sa maong pasilidad.

Matud niini nga angayan nga masabtan sa katawhan ang pagbalanse nga ginahimo aron dili dako ang epekto sa industriya sa panagat mao nga upat ka adlaw lamang gitugot ang semi lockdown.

Nagla-um ang syudad nga adunay pagtinabangay nga mahitabo tali sa mga tigdumala sa fishport ug ubang ahensiya sa gobyerno kalabutan sa contact tracing nga himuon.

Giangkon usab sa Mayor nga sa maong inadlaw magnihit ang supaly ug magmahal ang isda gumikan niini.

Wala usab musugot si Mayor Rivera sa hangyo sa mga panagatan nga sa ilang private waharf una idunggo ang kuha nila nga isda samtang naka lockdown ang fishport sa syudad.