-- ADVERTISEMENT --
Forex trading

GENERAL SANTOS CITY – Nakig-alayon ang siyudad ngadto sa mga national government agencies kalabotan sa licensing and regulatory policies sa foreign currency exchange o Forex trading og uban pang related investment systems.

Matud pa ni Geraldine Zamora, labaw sa Business Permits and Licensing Division, kini aron maprotektahan ang mga investors batok sa mga taong gihimong prontalya ang forex trading aron makapangilad.

Gibutyag ni Zamora, sukad sa miaging tuig ang syudad ang nakaisyu ug 10 ka business permits sa mga nalambigit sa forex trading nga gipahigayon online o pinaagi sa internet.

Gihingusgan ni Zamora nga sa kasamtangan walay balaud o government policy or guidelines nga maoy nagdumala sa forex trading ug gikonsiderar kini nga iligal sa nasud.

Apan giklaro niini nga ang ligal sa ubang mga nasud ang Forex trading ug adunay mga iladong kompanya ang nalambigit niini.

-- ADVERTISEMENT --

Kahibaluan, sa advisory nga pinetsahan kaniatdong Oct. 30, 2018, gideklara sa Securities and Exchange Commission (SEC) nga ang foreign exchange trading ang iligal sa nasud hinungdan gipahimangnuan ang publiko nga muhunong sa paglambigit ug pag-invest sa foreign-registered investment platforms.

Apan luyo niini daghang ihap sa mga pribadong indibidwal ug kompanya sa syudad ang nalambigit sa Forex trading sa nakalabay nga mga bulan.

Alayun niini, gibutyag ni Zamora nga gihunong na sa iyang buhatan ang paghatag og business permits sa forex trading entities pinasubay usab sa mando sa mayor.

Samtang, gitun-an usab sa lokal nga panggamhanan kung i-regulate ba ang Forex trading sa siyudad.

Gikanayon nga kini matud pa ang usa sa source sa dagkong returns sa mga misulpot nga mga investment scheme sa dakbayan.

Matud pa ni Mayor Ronnel Rivera nga kinahanglang sutaon gayud kung ligal ang mga gapahigayon ug investment tungod ang kaayuhan sa mga katawhan ang gilantaw.

Gani sa pahayag ni Mayor Rivera nga ‘unbelievable’ ug ‘too good to be true’ ang paghatag ug dakong interes sa gibutang nga salapi sa usa ka investment group sama sa 30% hangtud sa 45% kada bulan.

Samtang, buot ni outgoing GenSan Vice Mayor Shirlyn BaƱas Nograles nga magpahigayon og congressional investigation in aid of legislation aron maklaruhan ang tanan ug mahimuan ug balaud ang nagkadaiyang isyu kalabot sa Forex ug uban pa.

Nasayran nga human nabisto sa publiko ang PPM, KAPA, Alamco, daghang investment scheme ang nag-operate sa dakbayan.