GENERAL SANTOS CITY -Nakumbinsi sa militar, kapulisan og sa mga opisyal sa ilang lugar nga musurender ang usa ka sakop sa New Peoples Army (NPA) nga naglihukan sa Sarangani Province ug sa mga kasikbit nga probinsya.


Matud ni Police Captain Herman Luna, hepe sa Maasim Municipal Police Station nga mibalik sa sabakan sa gobyerno ang ginganlan lang ug alyas Jack, nga taga Datal Lanao, Barangay Amsipit, Maasim, Sarangani niadtong nakalabayng adlaw.


Nasuta nga si alias Jack ang Team Leader sa Squad 3, Premera Platoon Central, Guerilla Front Musa kung asa bitbit niini sa dihang mitahan sa tropa sa gobyerno ang usa ka granada ug usa ka improvised shotgun.


Sa karon ginaberipika pa sa mga otoridad ang kalambigitan sa nasampit sa walhong grupo samtang higayon nga makumpirma nga miyembro sa maong walhong grupo, iproseso na gilayon ang iyang mga dokumento aron maka-avail og programa sa gobyerno alang ngadto sa mga mosurender nga miyembro sa NPA.


Ang rebel returnees makadawat og financial og livelihood assistance.

-- Advertisement --