KAPA Founder Joel Apolinario

GENERAL SANTOS CITY – Gibasura sa Office of the Provincial Prosecutors Office sa Sarangani ang kaso nga Online Libel nga gipasaka ni Rojardo Tapdasan batok kang Bombo Janjan Macailing, station manager sa Bombo Radyo GenSan.

Gigamit sa reklamante nga ebidensya ang daghang video sa Facebook page sa Bombo Radyo nga naghisgot batuk sa KAPA Community Ministry International Inc., kaniadtong Nobyembre 2018.

Isip miyembro matud pa sa KAPA nasakitan siya sa mga komentaryo batok kang Pastor Joel Apolinario sa programa nga Bombohanay Bigtime.

Base sa counter affidavit ni Bombo Janjan, dili kini mamahimo nga kasuhan human gihisgutan ang aktibidad sa KAPA base sa advisory nga gipagawas sa Securities and Exchange Commission aron pahunungon ang pagbutang ug investment sa KAPA.

Lakip sa pagpaklaro nga wala gihisgutan ang mga pangalan sa mga reklamante .

Gumikan niini gibasura ni Provincial Prosecutor Elmer Lastimosa ang reklamo gumikan sa kakulang sa probable cause.

Kahinumduman nga susama nga kaso ang gibasura sa City Prosecutors Office human mipasaka ug Online Libel ang unom ka indibidwal nga sakop sa Kabus Padatuon kon KAPA.