GENERAL SANTOS CITY – Laing boxing event ang himoon sa Sanman Promotions sa dakbayan nga gitakda sa December 17, 2020.


Matud pa nga ilang gitawag nga Vengeance nga lima ka bout ang matigayon.

Makalaban ni WBO World youth super flyweight champion KJ Cataraja si kanhi world title challenger John Mark Apolinario alang sa 10 round bout.


Makaatbang usab ni kanhi World title challenger Jeo Santisima si Marjon Piencenaves.


Ang kalaban ni WBC number 1 minimumweight Melvin Jerusalem mao si Jayson Francisco.


Si Esneth Domingo iyang makaatbang si Gerald Alvarez samtang kaatbang ni Regie Mananquil si Rio Gulipatan.


Gumikan sa pandemnya dili open sa publiko ang maong dula nga makit-an pinaagi sa livestream.


Kini ang ikaduhang boxing event nga gihimo sa Sanmam sukad nga natigayon ang pandemic nga ang labing una sa miaging Nobyembre 21, 2020.