GENERAL SANTOS CITY – Padayon ang gihimong background investigation sa kapulisan sa dakbayan kalabot sa sunod sunod nga mga pagpamusil.


Matud pa kang P/Maj. Rissa Hernaez, ang tigpamaba General Santos City Police Office nga wala pa nasayran ang motibo sa kremin hilabi ang pagpamusil kang Danilo Igual Uy, usa ka contractor nga taga Lagao ning syudad.


Gibutyag pa niini nga walay kalaban ang biktima nga mahimong basehan nga nasuko ang suspek.

Gibutyag pa niini nga mas gipallawom pa ang imbestigasyon aron matumbok kinsa ang responsable sa kremin.


Una niini gibutyag sa kapulisan nga usa sa mga gitutukan sa imbestigasyon sa kremin kung konektado sa warrant of arrest sa biktima gawas pa sa personal grudge.


Sa gihimong imbestigasyon, nasuta sa kapulisan nga ang biktima may standing warrant of arrest sa pagsupak sa National Building Code of the Philippines kon RA 6541 nga may piyansa nga P12,000.


Samtang ang unang insidente sa pagpamusil sa syudad niining bulana ang natigayon sa Calumpang ning syudad kansa ang biktima mao si Nicolas Albutra nga usa ka tricycle driver.