GENERAL SANTOS CITY – Gipatuman na sa Barangay Bula ang checkpoint nga gipangunahan sa kapulisan.
Matud kang P/Lt. Omar Barit, Deputy Station Commander sa Bula Police Station nga magbantay ang kapulisan sa tanang entry points sa Bula aron dili makasulod ang mga dili residente.

Kapiyestahan ng Senior Santo Niño sa Brgy Bula, GenSan

Gipaniguro nga susihon ang home quarantine pass nga gi-isyu sa mga residente pamatuod nga sila taga barangay Bula. Kung walay home quarantine pass, tan-awon ang cedula o barangay clearance og ID.

Nangayo si Barit og pagsabot sa mga dili taga Bula apan gustong musulod tungod mituman lang usab sila sa direktiba nga gitahas kanila.

Una nang gibutyag ni Barangay Administrator Dexter Forro nga nag-amping lamang ang barangay nga masunod ang mga health protocol nga gipatuman sa Inter Agency Task Force aron malikay sa coronavirus disease.

Ang checkpoint ang ipatuman hangtod sa tungang gabie sa Enero 16.