GENERAL SANTOS CITY – Mukapin sa 70% sa 199 ka barangay sa South Cotabato ang nadeklara nang drug-cleared sa Philippine Drug Enforcement Agency 12 .

Kini ang gibutyag ni Kath Abad, PDEA-12 Public Information Officer human gibutyag nga 142 ka barangay ang gikonsidera nga hilway sa mga illegal drug-related activities basi sa gipahigayon nga ebalwasyon nga gipahigayon sa barangay drug clearing program oversight committee nga gipangunahan sa PDEA.

Kauban usab ang mga representante gikan sa Department of the Interior and Local Government, Department of Health and local government units.

Matud nmiini nga ilawom sa Dangerous Drugs Board (DDB) Regulation No. 3, ang mga drug-cleared barangays ang kanhi apektado ug subject sa drug-clearing operations.

Gilauman usab niini nga daghang barangay ang makapasa sa “stringent” assessment sa musunod nga mga bulan.

Mamahimo lamang nga ideklara nga drug cleared ang barangay kung hingpit mahinulu-an sa mga kalihukan sa druga.