GENERAL SANTOS CITY– Kapin sa 500 ka mga indibidwal ang nadakpan sa kapulisan sa dakbayan sa pagpatuman sa Oplan Kabalikat og implementasyon sa Executive Order 30 may kalabotan sa pagsunod sa minimum health standards sa dakbayan.

Matud kang P/Col. Gilberto Tuzon, City Director sa GSCPO nga kinahanglan nga kanunay nga pahimangnuan ang publiko sa pagsunod sa mga patakaran.

Gibutyag sa opisyal nga kinahanglang manakop ang kapulisan sa mga violators dili aron sila silotan kun dili madisiplina.

Sa pamahayag ni Tuzon nga ubay-ubay usab ang nadakpan nga indibidwal nga nalambigit sa drag racing hinungdan nga gipatun-an sa mga Chief of Police ang ipasang-at nga kaso.

Sumala niini nga ipasang-at ang kaso pinaagi sa regular filing aron malikayan nga mapuno ang matag selda sa mga police station.