GENERAL SANTOS CITY – Niabot sa 103.3349 gramo sa gidiling droga ang nakumpiska sa Philippine Drug Enforcement Agency sa gipahigayon nga mga operasyon sa tibuok Region 12 sa bulan sa Enero.

Matud ni PDEA 12 Reg’l Director Gil Castro nga mukabat sa 72 ka operasyon ang ilang gipahigayon sa miaging bulan kon asa 88 ang nasikop. Samtang mukabat sa 6016.7573 gramo sa mariwana ang narekober sa mga ginsakpan.

Giangkon ni Castro nga dakong hagit sa ilang ahensiya ang pagpanakop sa mga nalambigit sa gidiling droga ilabi na human ang kamanduan ni Pangulong Rodrigo Duterte nga sila na ang mahimong lead agency.

Gibutyag ni Castro nga kini gumikan adunay mga gitutukan nga mga local govt officials og empleyado nga nalambigit sa gidiling droga, kalambigitan sa mga pulis og militar sa Drug Trafficking, pagsuporta sa armadong sa grupo ngadto sa drug trafficker , paggamit sa drug traffickers sa mga lugar nga duol sa kuta sa MILF og MNLF alang sa pagdistribute sa gidiling droga.

Lakip usab niini ang kakulangon sa personahe og pondo alang sa pagpahigayon og mga operasyon og bogus nga ga-claim nga miembro sa PDEA-12.

-- Advertisement --

Base sa rekord sa ahensiya, mukabat sa 1,158 ka mga barangay sa region 12 ang apektado sa gidiling druga