GENERAL SANTOS CITY – Mukabat na kapin usa ka libo ka kaso sa dengue ang natala dinhi sa dakbayan sa Heneral Santos ning tuiga.

Base kini sa data nga gipagawas sa City Health Office gikan Enero hangtod Mayo kung asa miabot na ngadto sa 1,119 ang total reported cases sa dengue.

Gikabutyag nga 220 percent kining mas taas kon itandi sa natala nga kaso sa naasoy’ng sakit kaniadtong 2016 nga may 350 lamang sa susamang panahon.

Kahibaluan nga pito na ang namatay tungod sa dengue nga pulos mga bata.

Gumikan niini, mas gipakusgan pa sa CHO ug lokal nga panggamhanan ang information dissemination ug pagtambag sa mga residente nga hinluan pag-ayo ang palibot aron walay mapangitlugan ang mga lamok ug ug dili na mas muusbaw pa ang kaso sa dengue.

-- Advertisement --