GENERAL SANTOS CITY – Nawala na ug pipila ka bulan kaniadto sa Malapatan Sarangani ug miadto sa Davao City kuyog ang mga anak apan mibalik gihapon sa Malapatan Sarangani Province tungod sa iyang negosyo nga buy and sell.

Kini ang pag-ila sa pipila ka mga residente sa Malapatan kang Jenneth Orquillas 33 anyos . Ang naasoy nga babaye ang gipusil miaging adlaw udtong totok sa nakamotor nga suspek samtang naa sulod sa iyang cubicle sulod sa iyang panimalay sa lugar.

Wala makuha-i sa hulagway ang duha ka suspek tungod guba ang CCTV sa panimalay sa biktima.

Miabut matud pa ang suspek nga nangutana sa presyo sa kopras apan dayon nagmando sa duha ka katabang sa biktima nga hapa ug dayon gipusil ang biktima gamit ang de silencer nga caliber 45 pistol.

May mga pagduda pa ang mga residente nga ang suspek nakabutang ug dakong kantidad sa salapi ngadto sa biktima nga giila nga tigpadagan sa KAPA ug FOREX sa lugar.