GENERAL SANTOS CITY – Dili na makatago sa balaod ang usa sa mga incorporators” sa Alabel-Maasim Credit Cooperative (Alamcco) nga nalambigit sa multi-million peso investment scam.


Kini human nasikop ang napangalang si BJ Kevin Mancao, 25-anyos, taga New Society, Barangay Apopong ning dakbayan.


Human nakadawat og impormasyon nga gataguan sa Maasim, Sarangani Province ang nasampit giplano ang pagsilbi sa warrant of arrest.


Ang pagsilbi sa warrant of arrest ang gihimo sa hiniusang pwersa sa San Isidro PNP, City Mobile Force Batallion, lakip na sa NBI.


Ang warrant of arrest ang giisyu ni Judge Jose Jerry Langrio Fulgar sa Regional Trial Court, Branch 47, sa Alabel Sarangani Province nga walay pyansa nga girekomenda.

-- Advertisement --


Si Mancao ang gaatubang og kasong syndicated estafa nga may criminal case no. 01639-20, nga nga gi-isyu sa miaging February 27, 2020.


Ang ALAMCCO ang gatanyag og 35% nga return of investments sa mga investors.