This is not for sale

GENERAL SANTOS CITY – Maayo ang katuyuan sa pag-implementar sa home quarantine pass (HQP) og kini aron maprotektahan ang mga tao kontra sa coronavirus disease.

Matud pa ni City Administrator Atty. Arnel Zapatos, karong adlawa sugdan ang hugot nga pag-implementar sa HQP luyo nga sa mga miaging pa ginapangitaan na niini ang matag indibidwal gawas lang sa mga gikonsiderang essential workers sama sa medical workers, mga sakop s aAFP, PNP, media og uban pang frontliners sa covid 19.

Sa matag pamilya angayang usa lang ang HQP apan ang mugamit niini kadto lamang 18 anyos pataas og dili usab pwedeng gamiton sa edaran aron makapamalit og pagkaon og uban pang panginahanglanon.

Sa private vehicle, angayang walay sakay nga pasahero kundili ang driver lamang nga may HQP ang tugtan gawas lang sa essential worker nga may kaugalingong driver.

Libreng ginahatag sa taga barangay ang home quarantine pass og kini ang dili angayang ipa-photocopy.