GENERAL SANTOS CITY– Hugot gipangandmaan sa General Santos City Police Office ang matigayon nga ulahing state of the nation address kon SONA ni Pangulong Rodrigo Duterte.

Matud pa ni P/ Lt. Clarizel Perez, tigpamaba sa GSCPO nga gilauman niini ang protesta atol sa SONA kung asa may ideploy nga mga pulis aron masiguro ang seguridad sa tanan.

Samtang ilang gimonitor usab ang palibot og mihangyo sa mga magprotesta nga tumanon ang mga patakaran.

Samtang sa kauluhan walay nadawat nga bahad ang kapulisan atol sa SONA sa pangulo.

Gibutyag nga libuan ka mga police ang ideploy sa SONA sa pangulo aron mubantay sa seguridad.

Ang hangyo sa kapulisan nga kung mahimo himoog virtual ang protesta gumikan sa bahad sa COVID 19 ilabi delta variant.

Hugot nga ipatuman ang maximum tolerance og pagrespeto sa katungod sa mga nagprotesta usab.