GENERAL SANTOS CITY – Hugot ang pahimangno sa Philippine Fisheries and Development Authority (PFDA) GenSan sa mga stakeholders sa fishport nga angayang tumanon ang tanang mga patakaran.


Gibutyag sa Bombo Radyo GenSan ni Paris Ayon, Food and safety chief sa PFDA GenSan nga kini ang gikasabutan human nga gipatuman ang lockdown sa fishport tungod may mga nagpositibo sa COVID 19.

Sa ilang advisory nga ang pagtinir sulod sa fishport og kapin sa 15 minutos nga walay gihimo ang hugot nga gidili.


Angayang mugamit og personal protective equipments (PPE) ang musulod sa fishport kung asa pwede nga kumpiskahon ang ilang ID kung dili tarong ang pagsul-ob sa PPE o dili gayud maggamit.


Angayang hugot nga ipatuman ang duha ka metros nga gilay-on.


Gitambagan ang katawhan nga bawal ang paghatagay og pagkaon kung asa angayang magdala og kaugalingon nga kutsara o tinidor lakip ang baso.


Gibutyag pa ni Ayon nga dili tanan magdungan sa pagsulod sa fishport nga may gikatakda nga schedule.


Ang mga gasulod sa fishport ang angayang may medical certificate nga ipresenta.