GENERAL SANTOS CITY- Aprobado na sa Committee on Health sa Kamara ang House Bill 8819, nga gipasa ni Rep. Shirlyn BaƱas Nograles nga ang tumong nga pag-convert sa Dr. Jorge P. Royeca Hospital (DJPRH) sa General Santos City Medical Center og mapalambo pa ang pagserbisyo, bed capacity, og facilities.

Sa maong sugyot nakalatid nga gikan sa 200 beds himoong 600 beds ang capacity.

Gawas pa nga magmugma usab og Lung Center, Centers for Disease Control, Kidney Center, Dialysis and Transplant Center, Heart Center, og uban pa.

Ang maong sugyot balaudnon ang alayon sa target nga mapalambo ang healthcare industry sa syudad.

Kahibaluan nga ang maong ospital ang gaserbisyo dili lamang sa GenSan apan lakip sa kasikbit nga mga lugar lakip sa Sarangani og uban pa.

Una niini napasa na usab sa House committee level ang sugyot balaudnon ni Nograles nga ang tumong nga maghimo og MSU GenSan College of Medicine (MSU COM) nga karon gisugdan pa ang paghimo og laboratoryo og library.