Hugot nga imbestigasyon ang gipahigayon sa kapulisan og kasundalohan sa pagpanghasi sa communist terrorist group pinaagi sa pagpabuto og armas sa Community Police Assistance Center sa Barangay Suli, Kiamba alas 8 pasado sa gabii niadtong Huwebes.

Matud kang Police Col. Michael Lebanan, Sarangani Police Provincial Office nagapadayon ang gihimong clearing ug hot pursuit operation sa mga otoridad sa mga gitudlong armadong grupo nga gitudlsong responsible sa insidente.

Gibutyag ni Libanan nga nakarekober sila og mga empty shell sa upat ka kalibre sa armas ug kini ilaha pa kining gipailawom sa pagsuta aron makatabang sa pagtumbok sa mga suspek.

Hinuon wala may nakalas nga kinabuhi ug naguba nga propriedad apan nagtuo si Lebanan nga gusto lang matagad sa mga armadong grupo aron paulawan ang gobyerno, apan dili usab nila kini lung-an. Dugang sa provincial director, posible matud pa sila nga magpahigayon og operasyon batok sa maong grupo dungan sa pagpaniguro nga ipadayun ang heightened alert sa MAKIMA area ug sa ubang lugar sa Sarangani Province.