GENERAL SANTOS CITY– Gipaklaro ni Noel Nacion, account officer sa SSS-GenSan nga ginapaabot pa nila ang guidelines alang sa pag-avail og calamity loan.

Noel Nacion, account officer sa SSS-GenSan

Matud pa niini, ang ulahing impormasyon sa Central Office ngadto sa mga regional offices nga ginadalian na paghan-ay ang bag-ong guidelines og gilauman nga ipagawas sunod semana atubang sa ginaatubang nga problema kontra covid 19.

Matud ni Nacion nga tanang miyembro, self employed o employed man ang pwede maka-avail apan sa karon wala pa magdawat og applikasyon tungod gipaabot pa ang bag-ong guidelines.

Gibutyag niini, mahimo gihapon nga mag-apply og calamity loan bisan pa nga may ginabayran pa nga loan sama sa salary loan og magbase gihapon sa bag-on guidelines kabahin sa paagi sa pagbayad og uban pa.

Noel Nacion, account officer sa SSS-GenSan

Sa pamahayag ni Nacion, wala niini masayran kung hangtod kanus-an ang pagtanyag og calamity loan sa SSS kung asa kun magmaayo na ang sitwasyon human sa community quarantine nga matapos sa April 13 basi sa unang deklarasyon, mag-abli ang ilang buhatan aron sa pagdawat og loan application og uban pang dokumento luyo nga pwede iagi online ang pag-apply pinaagi sa ‘My SSS’ sa ilang website.

Sirado ang ilang buhatan sa National Highway Labangal apan may drop boxes nga gibutang sa entrada kung asa pwede nga maghulog og mga dokumento.

Matag hapon kuhaon ang unod sa drop boxes sa ilang skeletal force.