GENERAL SANTOS CITY – Nagpabilin pa sa tambalanan ang usa ka ginang human nga nakaangkon ug hilabihan kadaghang samad dinugggaban sa nagkadaiyang parte sa lawas.

Giila sa Makar PNP ang biktima nga si Aubrey Bantoy, 22, nga taga Prk, Baan Brgy Sinawal ning dakbayan.

Sa imbetigasyon sa kapulisan nga nakamatikod ang biktima nga adunay misulod nga tawo sa ilang balay bandang alas 7:30 sa gabie hinungdan nga gisuta apan kalit nga adunay midunggab kaniya. Nasuta nga 12 ka samad dinunggaban ang naangkon sa biktima.

Base sa nakakita sa insidente nga paspas nga misibat ang suspek nga sumala pa 5’6 ang gitas-on, dakuon ang lawas og nakasul-ob og tshirt og naka-maong atol sa insidente.

Sa karon padayon ang pakig-alayon sa kapulisan sa biktima aron masaysay kung kinsa ang gidudahan niining mihimo sa krimen aron nga madakpan og makasuhan.