Napili isip usa sa tulo ka awardee sa tibook Pilipinas si GenSan Schools Division Superintendent Romel Flores sa Career Executive Service – Very Innovative Person (CES-VIP) Award for the Second Semester of 2020.

Matud pa ni Flores nga kini gumikan sa panaghiusa sa Deped GenSan sa ilang gihimong inisyatibo aron nga makapadayon og pagtuon ang mga estudyante luyo sa nasinatian nga pandemya.

Gihimong ehemplo niini ang Enrollment On Wheels, Radyo Mo Kinabukasan Ko, DepEd ASSIST, Project KAAGAPAY og uban pa.

Hinoon gipasalamatan niini ang tanan nga nagkooperar aron nga malagpasan ang dakong hagit sa ilang kinabuhi nga wala gilauman.

Ang CES-VIP Award ang gihatag aron ilhon ang Career Executive Service Officers (CESO) ug Eligible (CESE) nga nakahatag og kalambuan sa mga programa sa gobyerno.

-- Advertisement --